geweeten dient / hoe men een rondt sal a Meetkonstich in de geseyde graden en minuten verdeel‾e / het welck dan self swaerder als d'ontbinding van eenich Vlack Werckstuck te achten is / gemerckt om 't selve b Wiskonstich te doen daer toe d'ontbindingh der c Lichamelicke en Linysche Werckstucken bekent vereyscht wort: Soo kan oversulcx sodanig instrument na d‾e aert der konst met recht tot de op-lossing der Vlacke Werckstucken op 't veldt niet toeghelaten worden ; maer staet ons dienvolghens op een simpelder te dencken. Hierom also ick naer een simpelder soeckende bevondt / dat daer toe geen eyghentlijcker en kon bedacht worden als een ghemeen d Meeters kruys / sodanich alsset hier nevens gaet afghebeelt / bestaende uyt vier vaste en onbeweeglicke pinullen oft visieren / even-wyt van den anderen afgelegen / maeckende t'samen vier rechte hoecken: so heb ick naer dat voorgaende betoont is / op wat wijz een rechten hoeck gemaekt kan worden / 't selve sonder eenige swaricheyt tot de verhandeling der Vlacke Werckstucken op 't veldt als het eenvoudichste en eyghentlijckste geoordeelt / ende oversulcx sijn gebruyck in de volgende Werckstucken goet gedacht te verklaren.