Tot de verstandighe Lesers

Yeemant gonstige Leser, mocht het billick vreemt duncken te wesen waerom wy desen Boeck t'samen gecomponeert, ende int licht ghebracht hebben, aengesien dat seer selden van twee personen eenige Boecken beschreven worden, ende principalick die so verde als wy van malcanderen zijn resideerende, namelick d'een tot Leeuwaerd‾e in Vrieslant, ende d'ander tot Leyden in Hollant: Hier van is te weten dat ons sulcx t'samen te doen gemoveert heeft onse onderlinge vrientschap ende dagelicsche conversatie die wy in voorgaenden tijt t'samen ghehadt hebben, inde welcke wy desen Boeck meest al gecomponeert ende beschreven hebben. Daer beneffens om seeckere Tafelen (genaemt de Tafelen der Circkel-bogen) die wy gheinventeert, ende elcx bysonder gecalculeert, ende teghens malcanderen gecollationeert hebben, de fauten te beter mercken ende verbeteren die wy daer inmochten hebben bega‾e, ende de selve correct aen den dach te brenghen. Door welcke Tafelen wy seer licht sullen leeren vinden 'tinhout van alle Circkel-bogen, ofte landen met rechte ende cromme zijden besloten zijnde, ende alle Circkels deelen in so veel gelijcke ende ongelijcke deelen alsmen begeert, alleenlick daer toe geebruyckende den regel van Proportien (die sommighe den regel van drien noemen,) 'twelck tot desen tijt toe (ons wetens) niet dan dooor swaren arbeyt is ghedaen, als de verstandighe deser const wel bekent is. Ende also wy (door onse daghelicksche affairen) verhindert zijn gheweest desen Boeck niet so haest als wy welbegeerden, aen den dach te brengen, so hebben wy nochtans ten laetsten by een comende, geresolveert ende besloten (tot nut ende bevorderinge van alle Lantmeters, end die de loflicke const v‾a Geometria beminnen, voornemelic onsen lieven Nederduytschen, die tot deser tijt toe door scharpsinnige boecken der Geleerd‾e (meest in uytheemsche sprake geschrev‾e sijnde) zijn afgeschriet) desen Boec vande Practijcke des Lantmet‾es te doen druck‾e, begrepen zijnde in drie deel‾e.

Al waer int eerste verclaert wort de namen der maten, sommige lini‾e ende Geometrische figueren, voorts de spetien in roeden, voeten, duymen, ende mede vande thiende deelinge der roede, als adderen, substraheren, multipliceren, divideren, ende radix quadrato te extraheeren: verclarende wijder met wat gereetschap een Landmeter behoort versien

te wesen,